ردح مع سبق الإصرار و الترصد

اعملك ايه بقى يا جارتي ...
ملاية اللف جبتي و فرشي
نطيتي قعده وسطها و برجليكي ركلتي و رفستي
و زي عادتك مش شرياها
ولولتي و صواتي
طب اعملك ايه يا ستي ...
جنان و اتجننتي
مرة انتي ومرة مش انتي
اعاملك زي العيال و اقول اهو
ده برضه اختي
وانتي ولا هامك عايشة في ادوارك
مرة اشوفك باتينام هانم ومرة اشوفك دور شوقية اختي
ارسي لك على بر يا حبيبتي...
اهدي شوية ده انت قلبك ح يقف من نباهتي
وخفتي وذكائي و بيتي
روحي نظفي بيتك و اهتمي بيه يا جارتي
و سيبك من القيل و القال
ولا معندكيش حاجة تعمليها انتي
يوم صاحبتك فكرتك شغلانه
و اتاري الله الله على برا
وجزة الادرى والاعلم بنفسه انتي
اصلي مش عايزة اغلط فيكي
ولا اقلك انتي مين انتي
بتصعبي عليا اوي يا حبيبتي
قلت اسيبك بسمك تموتي
لا اهشك ولا نشك
واطلعي قدامي رايحه جاية
ما انتي في الاخر لبيتك ح تفوتي
عاش من عرف قدره يا ستي
قومي بقى من الملاية الي وسختيها
و الارض الي نكشتيها
وشوفي انا جبت لك مفاجئة ايه
سيارة اسعاف تاخذك على المستشفى
تعالجي نفسك ولا يهمك
بيتك ح راعيه
و اكلك وشربك و الله ما يكونو غير من مونتي
و اخيرا باي باي يا جارتي
ما تزعليش نفسك ولا تولعي في روحك
اصلي و الله بحبك ده ايه
حبيبتي حبيبتي حبيبتي

مشكوررررررره علي مجهودك الرائع
وننتظر جديدك

شكرا على مرورك الجميل ده يا عاطف و يا رب يشاركونا ناس ثانيه كمان

موضوع حلوو كتير يسلمو ديادك

تحياتى الك