مصر الشباب

الثورة قامت من جديد
على كل ظالم
أو عنيد
ثورة شموخ بإدين شباب
بعقول شُداد
وقلوب حديد

رفضت تشوف ذل وهوان
قامت تزيح
خيط عنكبوت
بيِّت وعشش ع البيبان
ثورة غضب خِلِص الكلام
آن الأوان
نِقلِب كيان المنطقة
مِن كل خاين أو جبان
ثورة شباب
ضحِّت بروحها واسمها
علشان بلدها تهمها

" أنا مصري "

أنا مصري لازم افتخر
وأرفع شعار..
" مصر الشباب "
مصر الأمان
مصر الجرس ويا الأدان
مصر الغلابة الطيبين

وشباب يعلِّم كل شبان المكان
إزاي يكون شكل السلام
إزاي نصون
مصدر حضارات الزمان

" فالكُلُ رَاحِلٌ مَهْمَا طَالَتْ السِنُونْ
والوطنُ باقٍ مَهْمَا ظلُّوا يَفْعَلُونْ "
والوطنُ باقٍ مَهْمَا ظلُّوا يَفْعَلُونْ